ప్రేమ అంటే..

మనసు మల్లెల పరిమళాన్ని ఆస్వాదిస్తుందా ..?
ప్రశ్న మనసు ని కాదు నీ కనురెప్పలనడుగు,

అవి హాయిగా మూసుకుంటూ నీకు సమాదానమిస్తాయి!

అందం అన్నమాటకు ఆకారం ఉందా ?
జవాబుకై నీ గుండె తలుపు ని తట్టు ,

మది కోవెల లో కొలువున్న రూపం దర్శనమిస్తుంది!!

మోహం కలవని ...చూపుల దాహం తీరని ప్రక్రియను ఏమనాలి??

ప్రేమ అన్న పదమే మీ ప్రత్యుత్తరమైతే నా మనసు మరి కాదనలేకపోతుంది..!

కనుల ముందర కమనీయ సృష్టి, అందాల విందుని వడ్డిస్తున్నా..

మనసు తన అంతః నేత్రం తో ఏదో సౌందర్య పానం చేస్తుంది.

ఆకర్షణ అలలను దాటితే ప్రేమ సంద్రం శాంతం గా ఆహ్వానిస్తుంది.

సరదా అని అనుకోకుండా అయినా పడిపోతే భాధల అగాదాలకు బలైపోతావ్.

సదా లక్ష్యమే నిన్ను నిలబెడితే అందాల తీరాన్ని ఆనందాల నిధులతో చేరతావ్.

ప్రేమించడం తప్పు కాదేమో..

ప్రేమ తప్ప జీవితమే లేదంటే...తప్పనక తప్పదు కదా!!!